Cookies

Deze website maakt gebruik van cookies. Wij verzoeken u cookies te accepteren. Meer info

Naar de inhoud

Sint-Eustatius

Isla di Sint-Eustatius tin un teritorio di 21 km² i un poblashon di aproksimadamente 3500 habitante. Su kapital ta Oranjestad. Sint-Eustatius ta konsistí di un volkan—The Quill (un deformashon ingles di e nòmber hulandes original 'De Kuil')—den parti zùitost di e isla ku probablemente ta drumí, i un área volkániko morto di aproksimadamente 200.000 aña den nort di e isla. Meimei di nan dos tin un área relativamente plat. Na 1493, Columbus a bira esun promé ku a pone Sint-Eustatius riba mapa. Na 1636, hulandesnan a kolonis’é. Sint-Eustatius a bira un haf di tránsito importante i e poseshon di mas rendabel di West-Indische Compagnie (WIC). Den siglo 18, e tabata konosí komo e Baranka di Oro (Golden Rock). Na 1779, mas di 3000 barku di Europa, Merka i Áfrika a mara na e haf natural di Oranjestad, tin dia mas di 20. E haf tabatin lugá pa 200 barku mara pareu. Na 1776, Inglatera a konkistá Sint-Eustatius. Despues di esei, e isla a kambia di man na vários okashon entre Inglatera i Fransia i ekonomia di e isla a kai kompletamente den otro. Na 1816 Sint-Eustatius a bolbe den man di Hulanda, pero e habitantenan a keda papia ingles.

Ekonomia

Gobièrnu ta e dunadó di trabou prinsipal na Sint-Eustatius. E prinsipal dunadó di trabou den sektor privá ta Statia Terminals, un terminal di petroli di e empresa merikano NuStar. Turismo tambe ta importante, partikularmente turismo di buseo.

Bandera di Sint-Eustatius

E bandera ta partí den kuater área blou di sinku banda ku rant kòrá. Meimei tin un djamanta blanku ku silueta di e isla na bèrdè i un strea hel.

Kabinetsreactie Spies
Eilandgids Caribisch Nederland (PDF)Blog Rv