Cookies

Deze website maakt gebruik van cookies. Wij verzoeken u cookies te accepteren. Meer info

Naar de inhoud

Estranheronan

Estadia turistiko

Estranheronan tin akseso liber na Boneiru, Sint-Eustatius i Saba pa un máksimo di 3 luna pa kada 6 luna. Esei ta enserá ku no mester di pèrmit di estadia. Sinembargo sierto estranheronan mester di visa tòg. Si bo tin preguntanan general tokante prolongashon di visa di karibe (estadia turístiko o kòrtiku pa e islanan di Aruba, Kòrsou, Sint Maarten i pa e islanan di Hulanda Karibense Boneiru, Sint Eustatius i Saba) bo por dirigí bo mes na e Embahada o e Konsulado di Reino Hulandes na bo pais. Pa e adrèsnan i informashon di kontakto akudí na www.mimbuza.nl.


Naturalmente bo por tuma kontakto ku e Ministerio di Asuntunan Eksterior na Den Haag. Esaki ta posibel mediante e adrès di email: DCM-INFO-VV@minbuza.nl o na number di telefòn: 070-348.5622 (alkansabel den oranan di ofisina 09:00 te 12:30 i di 13:30 te 16:30). 


Petishon pa pèrmit di residensia
Estranheronan ku ke permanesé i/o traha na Boneiru, Sint Eustatius i Saba pa mas ku 3 luna, mester di un pèrmit di estadia.
Si bo nashonalidat ta di un di e estadonan miembro di Union Europeo (EU), di Espasio Ekonómiko Europeo (EEE), Australia, Canada, Hapon, Merka, Monaco, Nueva-Zelandia, Siudat Vaticano, Suisa òf Surkorea, bo por biaha pa Boneiru direktamente. Seguidamente, hasiendo un afsprak, bo por hasi un petishon pa un pèrmit di estadia.

 
Mester tene kuenta ku un término di tratamentu di 2 te ku 3 luna pa esaki.

Si bo no tin niun di e nashonalidatnan menshoná, bo mester hasi un petishon di pèrmit di estadia temporal (na hulandes: machtiging tot voorlopig verblijf (mvv)) promé ku bo biaha. E mvv ta manera un visa biahero.


Prosedura nobo ora di petishonnan pa pèrmit di estadia inkompleto
Desde promé di yanüari 2015 IND Hulanda karibense (IND/CN) ta apliká e reglanan ku ta na vigor pa loke ta trata petishonnan pa un pèrmit di estadia inkompleto estriktamente. Esaki ta nifiká ku ora di petishonnan inkompleto no ta warda lunanan mas riba e kliente pa entregá dokumentunan ku falta. Ora di un petishon inkompleto e kliente, dependiendo di e dokumentu ku falta, ta haña entre 2 pa 4 siman di tempu pa entregá e dokumentunan ku falta. Den kaso ku eksedé e término ei ta rechasá e petishon. 


E prosedura nobo ta lo siguiente:

  • Ta informá e petishonario na momentu di entrega di e petishon na lokèt tokante e dokumento- òf datonan ku falta.
  • IND CN ta duna e petishonario oportunidat pa entregá e dokumentonan ku falta denter di dos te máksimo kuater siman.
  • Si di antemano ta sigur ku e petishonario no por kumpli ku sierto kondishonnan supstansial lo no ofresé e posibilidat di korekshon di e falta i lo rechasá e petishon.
  • Por entregá un petishon solamente ku un pasport bálido, si e petishonario no por mustra un pasport bálido e petishonario ta haña kuater siman di tempu pa ainda presentá e pasport, promé ku disidí riba e petishon.
  • Ora ta trata di un promé petishon i den kaso di prolongashon di un pèrmit di estadia pa tempu definí pa Trabou den servisio salarial mester a pone un aviso pa e funshon sinku siman promé ku entregá e petishon pa kua ta trese e stranhero for di eksterior.

Pone atenshon!

  • Un Deklarashon tokante Kondukta ta un di e dokumentonan ku ta rekerí ora di hasi petishon pa un pèrmit di estadia. Petishonarionan mester tene kuenta ku e echo ku ta dura por lo ménos 6 siman promé ku por haña e Deklarashon tokante Kondukta i ku mester pidi esaki pues na tempu serka Gabinete di Gezaghebber, promé ku entregá e petishon.
  • Por entregá un petishon pa prolongashon di un pèrmit di estadia, no opstante e meta pa kua ta pidi esaki, kuater luna promé ku e fecha di vensementu di e pèrmit vigente serka IND CN.
  • NO WARDA TE NA E ÚLTIMO MOMENTU PA ENTREGÁ BO PETISHON PA PROLONGASHON.

Kon pa apliká pa un mvv?
Tin dos manera pa apliká pa un mvv:

  • Abo mes por pidié personalmente serka e representante diplomátiko òf konsulado di Hulanda na bo pais di orígen òf kaminda bo ta establesí. 
  • Esun ku ta firma pa bo—esta, esun na Boneiru, Sint-Eustatius òf Saba ku bo ke bai keda serka dje—por pidié serka IND-Unidat Hulanda Karibense.
 Por pidi un mvv pa medio di e Formulario di “PDF-bestandpetishon di pèrmit di estadia temporal” + lista di dokumento (MBES1). Dependiendo di e meta pa kua bo ta pidi estadia, lo bo tin ku presentá sierto dokumentonan i yena algun dokumentashon adishonal. E formulario di petishon ta menshoná kua nan ta. Bo no por keda na Boneiru, Sint Eustatius o Saba durante e tratamentu di e petishon.
Mester tene kuenta ku un término di tratamentu di 2 te ku 3 luna.


Kiko mi mester hasi ora mi risibí mi mvv? Si disidí di onra bo petishon pa un mvv, bo mester drenta Boneiru, Sint-Eustatius òf Saba denter di tres luna despues ku bo risibí bo mvv. Denter di tres dia despues ku bo yega, bo tin ku akudí na un di e lokètnan di IND-Unidat Hulanda Karibense ku un formulario di  petishon i pidi un pèrmit di estadia pa e mesun meta di estadia pa kua bo a risibí e mvv. Den e kaso akí tambe lo bo tin ku presentá sierto dokumentonan i yena algun dokumentashon adishonal.


E meta di estadia nan mas pidí

    Kabinetsreactie Spies
    Eilandgids Caribisch Nederland (PDF)Blog Rv