Cookies

Deze website maakt gebruik van cookies. Wij verzoeken u cookies te accepteren. Meer info

Naar de inhoud

Saba

Teritorio insular di Saba ta e isla habitá di mas chikitu di loke tabata Antia Hulandes. Saba ta keda na 30 kilometer zùitwèst di Sint-Maarten. E tin un diameter di mas o ménos 4,5 kilometer i un superfisie di 13 km². Saba ta konsistí di un volkan drumí ku kuater kúpula di lava i banda di seru ku ta baha steil den laman. Su kosta ta di baranka. Volkan Mount Scenery, ku su 877 meter di elevashon, ta e punto di mas haltu di e isla i tambe di henter Reino Hulandes. Saba tin mas o ménos 1400 habitante, mayoria di nan na The Bottom, ku ta e bario prinsipal. Saba su nòmber di kariño ta ‘the Unspoiled Queen’. E isla ta biba di turismo, i for di 1988 ta disponé di un fakultat médiko tambe, Saba University School of Medicine, ku ta atraé hopi studiante di Merka.

Historia

Columbus a deskubrí Saba na 1493; e tempu ei tabatin indjan ta biba riba e isla. Columbus a yam’é isla San Cristóbal. Un posibel splikashon pa e nòmber Saba ta ku tabata abreviá e nòmber akí komo S.†bal i les’é komo Saba. Na 1632 el a bira propiedat hulandes. Na 1635 un barku ingles a kibra banda di Saba i probablemente e sobrebibientenan a bira e promé habitantenan europeo di e isla. Sobrá di e poblashon ta desendiente di katibu afrikano, i kolonista eskoses, irlandes i di Zeeland. Remarkabel ta ku un kuart di e habitantenan tin sea Johnson òf Hassell komo fam. Saba a kambia di man regularmente. El a yega di ta propiedat di Fransia, Spaña, Hulanda i di inglesnan. Na 1816 el a bira di Hulanda definitivamente. Na 1960, a konstruí un aeropuerto chikitu asina na e punta nort di Saba (Flat-Point). E tin e pista di aterisahe di mas kòrtiku na mundu pa aviashon komersial (400 meter).

Bandera di Saba

Bandera di Saba ta kòrá, blanku, blou i (hel) oro. Su mitar di ariba ta konsistí di dos triángulo kòrá idéntiko; su mitar di abou, di dos triángulo blou idéntiko. E djamanta meimei ta blanku i ta kontené un strea di sinku punta, koló di oro. A skohe e koló akí pa simbolisá rikesa di e isla i e speransa pa un bon futuro. E strea ta representá e isla; e kolónan kòrá, blanku i blou ta simbolisá e laso ku Hulanda. Kòrá ta simbolisá ademas kurashi, union i vigor; blanku ta pas i blou ta laman.

Kabinetsreactie Spies
Eilandgids Caribisch Nederland (PDF)Blog Rv