Cookies

Deze website maakt gebruik van cookies. Wij verzoeken u cookies te accepteren. Meer info

Naar de inhoud

Konferensia di trabou di siguridat di eksistensia Boneiru tabata konstruktivo

Riba 16, 17 i 18 di yanüari e konferensia di siguridat di eksistensia Boneiru a tuma lugá, kaminda representante di Entidat públiko di Boneiru, stakeholdernan i representantenan di gobièrnu di Reino a asistí. E enkuentro aki a  kana di forma hopi konstruktivo, kaminda a palabrá ku lo traha un agènda sosial ekonómiko. Algun di e tópiko ku entre otro lo atendé den esaki ta, un deliberashon entre dunadó di trabou i empleado pa mira si lo por hisa e suèldu mínimo stipulá pa lei (WML), prepará  empleadonan lokal mas mihó r pa e merkado laboral, remediá opstákulo den pagonan i a base di un investigashon stipulá un punta di salida pa e siguridat di eksistensia manera pidí dor di Entidat Públiko di Boneiru i miembronan di Eerste Kamer i Tweede kamer. 


Ta hisa ònderstant

Tin un kompromiso sinsero di  parti di tantu Entidat Públiko di Boneiru komo di  gobièrnu di Reino pa mas pronto posibel trese alivio pa persona ku ta biba den pobresa. A hasi e promé paso kaba dor di hisa e montante básiko di e ònderstant general di Boneiru, Sint Eustatius i Saba entrante di promé di mart 2017.


“Mi ta kontentu ku nos por a implementá e subida aki riba término korto”, Sekretario di Estado Jetta Klijnsma di Asuntunan Sosial i Labor a deklará. Esaki ta nifiká pa Boneiru un oumento di 61 USD pa kada 2 siman di e suma básiko di ònderstant. Pues e suma básiko awor  ta bira 151 USD.


Pa esnan ku ta risibí ònderstant na Sint Eustatius, for di mart por konta riba 185 USD pa kada dos siman (74 USD mas ku ántes). Na Saba e ònderstant ta subi ku 72 USD  i ta bira  181 USD pa kada dos siman. Pa personanan ku ta inkapas pa traha di forma kompleto i pa largò plaso ku ta risibí riba e montante básiko di ònderstant un suplemento pa inkapasidat pa traha, e subida aki no ta konta. Nan pago ta keda meskos.


E konferensia ku a tuma lugá e siman aki  tabata prepará di forma integral, na manera pa asina por haña un bon bista di tur e problema i retonan ku tin riba e tema aki.  Diputado i kolaboradornan di  Samenleving en Zorg Boneiru. Gobièrnu di Reino tabata  representá pa diputado di Asuntunan ekonómiko, Belastingdienst, VWS, BZK i SZW. Manera e agènda sosial ekonómiko ta  definitivo lo hasi esaki konosí.  Tur e partidonan ta sigui traha huntu na futuro di Hulanda Karibense, tur persona un eksistensia humano.


Kabinetsreactie Spies
Eilandgids Caribisch Nederland (PDF)Blog Rv