Cookies

Deze website maakt gebruik van cookies. Wij verzoeken u cookies te accepteren. Meer info

Naar de inhoud

A firma Protokòl di supervishon riba kombatimentu di kalamidat i kontròl di krísis na Hulanda Karibense

A firma Protokòl di supervishon riba kombatimentu di kalamidat i kontròl di krísis na Hulanda Karibense. Dia 8 di òktober 2012 Representante di Reino, Wilbert Stolte, i Hefe di Inspekshon di Seguridat i Hustisia (na hulandes: Hoofd van Inspectie Veiligheid en Justitie), Gertjan Bos, a firma un protokòl den kua, konforme e Lei di Seguridat di Hulanda Karibense (na hulandes: Veiligheidswet Caribisch Nederland), ta regla e vigilansha riba e kombatimentu di kalamidat i e kontrol di krisis na Hulanda Karibense

E protokòl ta enfoká riba e konkordansia di e tarea i ròlnan di e Inspekshon di Seguridat i Hustisia i e Representante di Reino i pa hasi esakinan komprensibel pa e bestürnan di e islanan. 
E kolegionan ehekutivo di e islanan ta enkargá ku e organisashon di e kombatimentu di kalamidat i e kontrol di krisis, servisio di brantwer i asistensha médiko. Nan mester redaktá un plan di kalamidat i krisis, plannan di kombatimentu di kalamidat i un plan di maneho. E Representante di Reino ta supervisá e formashon di plan aki.

E Inspekshon ta supervisá e implementashon di e tareanan di e kolegionan ehekutivo i e servisionan di asistensia. Ademas e Inspekshon ta investigá insidentenan manera kandela, aksidentenan, kalamidatnan i krisis i asina e ta opservá e funshonamentu di e diferente servisionan di yudansa i kuido (polis, brantwer). Inspekshon ta e organisashon ku independientemente ta supervisá e manera ku bestür, servisionan di asistensha i kuido i instansianan ta ehersé nan tarea i ta kumpli ku e lei i reglanan ku bista riba un komunidat seif.

E siguiente afspraknan ta establesé den e protokòl:

E Representante di Reino i e Inspekshon di Seguridat i Hustisia ta komprometé nan mes: 
- pa informá na tempu tokante aktividatnan ku ta desaroyá den kuadro di nan supervishon riba e preparashon di e kombatimentu di kalamidat i kontrol di krisis;
- pa konkordá e aktividatnan aki; 
- pa informá otro na tempu tokante di resultadonan temporal i definitivo;
- kaminda ta posibel, hasi uso di otro su resultadonan.

E Representante di Reino i e Hefe di Inspekshon di Seguridat i Hustisia ta deliberá ku otro minimal un bia pa aña tokante e estado di e situashon. Despues di dos aña lo evaluá e funshonamentu di e protokòl.