Cookies

Deze website maakt gebruik van cookies. Wij verzoeken u cookies te accepteren. Meer info

Naar de inhoud

Finiansamentu di Estudio

Si bo ta biba riba un di e islanan di Karibe Hulandes (Boneiru, Sint-Eustatius òf Saba) i bo ta bai studia den Karibe òf na Merka, bo por pidi finansiamentu pa bo estudio. Si ta na Hulanda bo ta bai studia, bo por pidi solamente un ‘opstarttoelage’.


Kondishonnan pa finansiamentu di estudio pa Karibe Hulandes 
Tin kondishon relashoná ku bo edat, bo estudio i bo nashonalidat i lugá di biba.

  • Edat: bo mester tin ménos di 30 aña.
  • Edukashon: bo mester ta studia ‘full time’ sbo/mbo (bol), hbo òf universitario, den Karibe òf na Merka.
  • Nashonalidat i residensia: bo ta biba na Hulanda Karibense i bo tin nashonalidat hulandes. Bo no tin nashonalidat hulandes? Den e kaso ei, bo mester ta residensiá pa minimal 10 aña den Hulanda Karibense pa bo por bini na remarke.  


Estudio na Hulanda
Si ta na Hulanda bo ta bai studia, bo por pidi un finansiamentu di estudio hulandes na DUO. Banda di esei, bo por pidi un ‘opstarttoelage’ (un solo montante) serka Rijksdienst Caribisch Nederland.

Kiko ta un ‘opstarttoelage’?
Un opstarttoelage ta pa yuda kubri bo gastunan di biahe pa Hulanda, kumpra e kosnan ku bo tin mester, muebla bo lugá di keda, kubri bo gastunan durante e promé temporada i gastunan di un akompañante. E opstarttoelage ta konsistí di un beka di prestashon i un fiansa. E beka di prestashon ta bira un beka ku bo no mester paga bèk, basta bo optené bo diploma denter di dies aña. Si bo no haña bo diploma, bo tin ku paga henter e beka di prestashon bèk. E fiansa sí semper bo tin ku paga bèk.

Tin kondishonnan relashoná ku bo edat, edukashon, nashonalidat i residensia.

  • Edat: bo tin menos ku 30 aña di edat. Ademas pa edukashon vokashonal bo mester tin 18 aña pariba.
  • Edukashon: bo ta bai sigui un edukashon vokashonal nivel 3 o 4 (SBO), edukashon superior o universidat na Hulanda.
  • Nashonalidat i residensia: aktualmente bo ta biba na Hulanda Karibense i bo tin nashonalidat hulandes. Bo no tin nashonalidat hulandes? Den e kaso ei, bo mester ta residensiá minimal 10 aña den Hulanda Karibense pa bo por bini na remarke.
Kabinetsreactie Spies
Eilandgids Caribisch Nederland (PDF)Blog Rv