Cookies

Deze website maakt gebruik van cookies. Wij verzoeken u cookies te accepteren. Meer info

Naar de inhoud

Boneiru

Isla di Boneiru ta keda kasi 50 kilometer leu for di Kòrsou, 80 kilometer nort di Venezuela i 138 kilometer ost di Aruba. Boneiru ta mas o ménos 38 kilometer largu i entre 5 i 11 kilometer hanchu. E isla tin aproksimadamente 15.000 habitante. Mayoria di nan ta biba na Kralendijk. E promé habitantenan di Boneiru tabata indjan kaiketio, un tribu di arowak di Venezuela. Aparentemente, nan a yega Boneiru rònt di aña 1300 promé ku Kristu. Na 1499, spañónan a reklamá e isla i na 1636 hulandesnan a bira doño di dje. Den fin di siglo 17, a trese katibu afrikano Boneiru pa traha. E poblashon aktual ta un meskla di mas di 80 nashonalidat i antesedente étniko. Boneiru tin un ekonomia chikitu pero yen di bida. Gran parti di su forsa laboral ta traha den turismo. Industria di salu i e haf di trasbordo di petroli tambe ta fuentenan di empleo. Boneiru ta konosí komo ‘Divers Paradise’. E kombinashon di awa kalmu, bon visibilidat bou di awa i su formashonnan di koral i piskánan presioso ta hasi Boneiru e lugá ideal pa buseo!

Rincon

Rincon no ta djis e pueblo di mas bieu di Boneiru, sino di henter loke tabata Antia Hulandes i Aruba. Originalmente, spañónan a konstruí e asentamentu akí na inisio di siglo 16. Nan a lanta Rincon stratégikamente den un vaye, skondí for di bista di enemigunan manera pirata i otro barkunan. Nan a hiba katibu Boneiru pa nan traha riba plantashi i na e saliñanan den zùit. E katibunan tabata biba ku nan famianan na Rincon. Djei nan tabata kana bai saliña i keda aya te na fin di e siman di trabou.

Bandera di Boneiru

E triángulo hel ta representá solo i e flornan hel di kibrahacha ku ta sali ora awa yobe. E repi blanku meimei ta representá puresa di bonerianonan i e triángulo blou ta pa nan kòrda riba e laman Karibe ku ta brasa nan isla. E strea riba e bandera di Boneiru tin seis punta ku ta simbolisá e seis barionan original. E kompas ta pará pa e marineronan balente ku a asistí Marina Hulandes durante Segundo Guera Mundial. Ademas, e koló kòrá bibu di e kompas ta indiká e boluntat di lucha di bonerianonan. (info. via Toerismebureau Boneiru)

Kabinetsreactie Spies
Eilandgids Caribisch Nederland (PDF)Blog Rv